Notícies Veir istoric
Vielha acuelh era projeccion oficiau de “The Fourth Phase” de Travis Rice
Un film de surf de nhèu e montanha presentat en Hestivau de Cinèma de San Sebastian, e que per prumèr còp se projècte gratuïtaments
Aguest dissabte, 18 de març tàs 19.00 ores, en Era Audiovisuau de Vielha s’amiarà a tèrme era projeccion oficiau de The Fourth Phase, un film de surf de nhèu protagonizat per Travis Rice.
Aguesta pellicula, presentada ath Hestivau de Cinèma de San Sebastian de 2016, explòre es cornèrs amagadi deth darrèr viatge de Travis Rice, amassa damb auti snowboarders, en eth quau perseguís es cicles der aigua deth Pacific Nòrd, a on era nhèu e eth gèu creen païsatges de conde enes crestes mès imponentes de Japon, Russia e Alaska e que crearàn, ath delà en espectador, ua fascinacion pes infinides possibilitats d’aventura qu’aufrís era vida e er entorn naturau.
Mercés ar acòrd de collaboracion der Ajuntament de Vielha e Mijaran e Quiksilver, The Fourth Phase se projectarà, per prumèr còp, gratuïtaments entà toti es assistents.