Notícies Veir istoric
Vielha presente ua agenda complèta d’activitats per aguesta dimenjada
Mendi Tour - Vielha, Campionat de Catalonha - Copa Vielha de patinatge artistic, IVaua Còrsa dera Hemna e Maraton de Donacion de Sang s’amiaràn a tèrme enes diferentes installacions der Ajuntament de Vielha e Mijaran.
Vielha acuelh pendent aguesta dimenjada, entà potenciar toristicaments eth municipi, nombroses activitats culturaus, esportiues e solidàries que compden damb eth supòrt totau der Ajuntament de Vielha e Mijaran.
Aué arringue Mendi Tour - Vielha, damb era projeccion, ena Sala Era Audiovisuau, des sies melhores pellicules de montanha deth Bilbao Mendi Film Hestivau e que se perlongarà enquià deman dissabte, damb tres pellicules per dia.
Pendent tota era dimenjada, en Palai de Gèu s’amiarà a tèrme eth Campionat de Catalonha - Copa Vielha, de patinatge artistic sus gèu damb es melhors patinadors nacionaus organizat peth CEGVA.
Dimenge maitin, enes carrèrs de Vielha, ei organizada era IVaua Còrsa dera Hemna, ua corsa, que se pòr her en tot caminar o en tot córrer, daurida a toti es publics entà commemorar eth Dia Internacionau dera Hemna deth dia 8 de març.
E entà finalizar, deluns, pendent tot eth dia, en Palai d’Espòrts de Vielha se realizarà ua naua Maraton de Donacion de Sang entà collaborar damb eth Banc de Sang
10/03/2017