Notícies Veir istoric
Vielha e Mijaran collabòre damb UGT ena organizacion des actes conmemoratius deth Dia dera Hemna Trabalhadora en Vielha
Eth pròplèu 8 de març UGT organize en Vielha ua Taula Redona e era projeccion d’un cortmetratje entà celebrar eth Dia dera Hemna
Jose Luis Aguilà, secretari d’UGT des Tèrres de Lleida e Ramón Moreno, secretari de Politica Sociau e Aucopacion deth Sindicat, s’amassèren agèr dimars damb Juan Antonio Serrano, baile de Vielha e Mijaran e Amador Marqués, baile de Bossòst, entà organizar amassa e prumèr còp, es actes deth Dia Internacionau dera Hemna Trabalhadora, dehòra dera Ciutat de Lhèida. Pendent era amassada s’acordèc qu’eth pròplèu 8 de març, ena Sala Era Audiovisuau de Vielha, s’amiarà a tèrme ua Taula Redona a on s’escotaràn es testimònis de cinc hemnes trabalhadores de zònes de montanha en tot hèr un debat moderat per Mónica Lafuente, deputada deth Parlament de Catalunya.
Fin finau se projectarà un cortmetratje relacionat damb eth dia des hemnes trabalhadores enes zònes de montanha.