Notícies Veir istoric
Dubèrt eth prumèr tèrme de sollicitud de subvencions 2017 der Ajuntament de Vielha e Mijaran
Dirigides as activitats a realizar en municipi enquiath 30 de noveme de 2017
Damb es disposicions dera Ordenança Generau Reguladora de Subvencions, segontes era Lei 38/2003, deth 17 de noveme, er Ajuntament de Vielha e Mijaran a dubèrt eth tèrme d’entrèga de documentacion entà sollicitar es subvencions qu’aufrís entà 2017. Enquiath 31 de març de 2017 se poirà presentar era documentacion que s’exigís, ena secretaria deth Consistòri en orari laborable. Se considère subvencion quinsevolh aportacion dirècta o indirècta, avalorable economicaments a cargue deth pressupòst der Ajuntament, autrejat pera corporacion, a favor des persones publiques o privades que cumplisquen es requisits establidi. Es activitats objècte dera subvencion seràn es realizades enquiath eth 30 de noveme der an corresponent laguens der ambit territoriau deth municipi (damb excepcions) e dirigides ara participacion de tota era comunitat enes airaus d’Espòrts, Musica, Cultura, Joenessa, Servicis Sociaus, Torisme, Hèstes, Miei Ambient e Cooperacion.
Tota era informacion e mès detalhs se trapen en Taulèr d’Anoncis der Ajuntament de Vielha e Mijaran atau coma en www.vielha-mijaran.org
10/02/2017