Notícies Veir istoric
Activitats educatives infantiles ena Bibliotèca Generau de Vielha
Entàs més petiti e es sòns pairs
Era Bibliotèca Generau de Vielha torne a començar era activitat "A grapes pera bibliotèca", que vò apropar as mainatjons e as sues familhes tara bibliotèca e tara lectura, per miei dera musica e es condes infantils. Ei ua activitat que vò hè a passar ua estona divertida, en familha damb es mès petiti de casa, era mainadèra de 0-3 ans, e que se harà es dijaus ath maitin de 10:30 a 11:30h.
D’un aute costat tanben reprenem era activitat masadèra “Libres entà créisher”, un projècte damb eth quau trabalham amassa era pediatra Immacula Caubet, deth Servici de pediatria der Espitau Val d’Aran, e era bibliotèca. En cada session era nòsta pediatra presente un libre de referéncia que pòt èster d’interès pera sua tematica entàs mairs e pairs. Era bibliotèca, pera sua part, tanben expòse libres e condes deth sòn hons que tracten eth madeish tèma. Er objectiu qu’ei informar as pairs e mairs sus tèmes d’interès entath desvolopament des sòns hilhs. Era seguenta session serà dijaus, dia 9 de hereuèr, tàs 17.30 h.