Notícies Veir istoric
Er Ajuntament de Vielha e Mijaran signe eth convèni de collaboracion damb eth Casau deth Jubilat "Sant Miquèu" de Vielha
Er impòrt finau ei de 19.555’07€ destinadi ara despensa corrent realizada pera associacion deth Casau deth Jubilat.
Aué s’a signat ena Sala de Plens der Ajuntament de Vielha e Mijaran, eth convèni annau de collaboracion entre eth Consistòri e eth Casau deth Jubilat "Sant Miquèu" de Vielha, ath quau an asistit Juan Antonio Serrano, baile de Vielha e Mijaran e Pablo Morell, coma President dera associacion deth Casau. Er impòrt totau deth convèni ei de 19.555,07€, dirigits ath bon foncionament e dinamizacion dera associacion entath desvolopament d’activitats. Ath delà er Ajuntament, a part dera aportacion economica, tanben cedís eth locau coma sedença dera associacion e assumís totes es despenses de subministraments e mantenença des intallacions. Eth Casau deth Jubilat "Sant Miquèu" de Vielha aufrís pendent tot er an a toti es sòn usatgèrs diuèrses activitats d’òci, culturaus e de salut, coma son corsi d’informatica, pentura, classes dirigides d’activitats fisiques-esportiues enfocades ara salut e conferéncies entre fòrça més causes.
Juan Antonio Serrano a declarat "ei fòrça important contribuir damb aguesta entita pr’amor eth sòn gran trabalh e pera sua prestacion de servicis qu’aufrís as nòsti vesins des deth Casau deth Jubilat"
01/02/2017