Notícies Veir istoric
SABOR VIELHA, era mòstra d’hormatges artesanaus, ena sala polivalenta
Es 6,7 e 8 de deseme
Era sala polivalenta de Vielha acuelh pendent es dies 6, 7 e 8 de deseme era 5au edicion de ’Sabor Vielha’, era mòstra d’hormatges artesanaus e productes complementaris de qualitat. Eth cap-lòc dera Val d’Aran se convertirà, pendent aguesti dies, en ua plataforma de difusion deth mon hormatger artesanau, en tot convertir era sala polivalenta en ua aparador immillorable entà conéisher d’apròp es mès esquisti hormatges artesanaus de tot Espanha.
’Sabor Vielha’ a seleccionat petites hormatgeries, pera nauta qualitat des sòns hormatges e era sua elaboracion artesanau, e era atencion especiau que meten en toti e cadun des passi de produccion. Pròva d’açò son es multiples medalhes que cada hormatgeria participanta an guanhat en concorsi d’arreconeishut prestigi tant nacionau coma internacionau, coma eth ’World Chesse Awards’ d’Anglatèrra.
Pendent eth transcors dera mòstra, eth visitant aurà era oportunitat d’aquerir tiquets entà tastar es diferenti tipes d’hormatges (3 degustacions a 5 èuros e/o 7 degustacions per 10 èuros). Er orari dera mòstra ei de 10 a 22 ores (se barre ath meddia de 14.30 a 16.30 ores).