Notícies Veir istoric
Era Federacion Espanhòla d’Espòrts de Gèu escuelh Vielha entà ua Concentracion dera Equipa Nacionau de Patinatge
Eth lòc escuelhut a estat eth Palai de Gèu de Vielha
Darrèr dera disputa dera darrera dimenjada deth Campionat d’Espanha de Patinatge sus Gèu en Vielha, organizat pera FEDH e eth CEGVA e damb era collaboracion der Ajuntament de Vielha e Mijaran entre d’auti, era Federacion Espanhòla d’Espòrts de Gèu a escuelhut es nòstes installacions municipaus, eth Palai de Gèu entà concentrar as sòns deportistes der Equip Nacionau deth 18 ath 22 de deseme. Pendent aguesti dies, es patinadors an realizat entre dues e tres ores de trabalh en gèu damb era entrenadora canadenca Mannon Perron, xarrades damb eth coaching Jordi Gatnau e revisions des elements e components damb eth referee ISU, Daniel Delfa. An completat eth sòn trabalh damb ua ora de preparacion fisica e auta ora d’estiraments enes sales deportives deth centre. Entre es membres dera Equipa Nacionau concentrats a estat er actuau Campion d’Espanha junior, Tòn Cónsul.
Alberto López, còsso d’Espòrts der Ajuntament de Vielha e Mijaran "a estat un aunor qu’era Equipa Nacionau, damb es sòns mielhors patinadors, hagen escuelhut es nòstes installacions entara sua concentracion pr’amor que açò potencie era importància deth Palai de Gèu e remarque Vielha coma destin entara practica deth patinatge sus gèu a nivèu nacionau"