Notícies Veir istoric
Daurides es inscripcions entad I Trail Vielha - Molières 3010 damb gessuda e arribada en Vielha
Organizada peth Centre Trail Val d’Aran, er Ajuntament de Vielha e Mijaran e eth Club Excursionista d’Aran, compde unicaments damb 300 dorsaus per pròva
Eth 15 de junhsèga de 2017 se celebrarà eth I Trail Vielha - Molières, un trail de nauta montanha damb dues corses, ua sky-maraton de 40 quilomètres damb 4.000 mètres de desnivèu positiu e ua mejana-maraton de 21 quilomètres damb 1.500 mètres de desnivèu positiu. Es dues corses auràn era gessuda e era mèta en Vielha e ua quòta maxima de 300 inscriti en cadua e a on se demore era preséncia des melhors atletes de cada modalitat. Era Sky-maraton ei ua corsa de nauta montanha a on se coronaràn cinc bècs de mès de 2.000 mètres de nautada, en tot èster eth Molières, damb 3.010 mètres, eth tet deth traçat e era principau atraccion dera madeisha. Era auta pròva, era Mieja maraton Vielha - Montpius transcorrerà per grana part deth circuit gran e a on era cresta mès nauta que se coronarà serà eth Montpius de 2.258 mètres. Organizada peth Centre Trail Val d’Aran, er Ajuntament de Vielha e Mijaran e eth Club Excursionista d’Aran a daurit aué es inscripcions era sua pagina web www.trailmolieres3010.com
Alberto López, còsso d’Espòrts der Ajuntament de Vielha e Mijaran a declarat "des deth nòste consistòri contunham d’apostar per eveniments esportius cridaners coma aguest e qu’atrèn e dan publicitat ath nòste municipi" e per açò "collaboram damb era organizacion eth tot aquerò que poguen auer de besonh entara celebracion d’aguesta corsa".