Notícies Veir istoric
Er Ajuntament de Vielha e Mijaran artenh eth patrocini de Volkswagen entara illuminacion de Nadau deth Municipi.
Er impòrt totau deth convèni ei de 134.310 euros a arrason de 44.770 euros annaus, pendent tres ans.
Er acòrd, ath delà dera collaboracion ena illuminacion de Nadau generau, includís era decoracion de toti es campanaus des pòbles de Vielha e Mijaran, er enlumenat publicitari ena avenguda principau de Vielha e un Street Marketing, pendent eth Pònt dera Purisima, Nadaus e Setmana Santa a on se daràn a conéisher es productes dera mèrca. Era enterpresa encargada d’amiar a tèrme aguestes accions ei Line Sports Entertaiment damb un gran prestigi e ua ampla trajectòria en sector.
Eth baile, Juan Antonio Serrano, a declarat: “des d’era equipa de govèrn de Vielha e Mijaran èm fòrça satisfèts damb aguest acòrd que mos permet mantier un enlumenat de Nadau acòrd damb ua ciutat comerciau, dinamica e toristica coma ei era nòsta”. “Aguest convèni ath delà, beneficie a toti es pòbles deth municipi, donques qu’includís er enlumenat de toti es campanaus, per prumèr còp e sense còst quauqu’un entara pedania”, a ahijut.
22/11/2016