Notícies Veir istoric
Liurament d’un desfibrilador ath Casau deth Jubilat Sant Miquèu de Vielha per part de Soroptimist
Er aparelh a estat crompat damb recaptacions d’eveniments benéfics
Júlia Pérez, presidenta de Soroptimist Val d’Aran a hèt liurament aué d’un desfibrilador ath Casau deth Jubilat Sant Miquèu de Vielha, crompat integraments damb recaptacions d’eveniments benéfics organizadi pera associacion que presidís. Er aparelh, de darrèra generacion e de facil emplec, serà plaçat en un lòc estrategic deth Casau deth Jubilat de Vielha per se calesse eth sòn emplec en cas d’emergéncia. Juan Antonio Serrano, baile de Vielha e Mijaran, a assistit ar acte e a declarat que “arregraïm fòrça, des der Ajuntament, era accion realizada per Soroptimist, cap as nòsti vesins mès grani” e a ahijut “des deth Consistòri daram supòrt a totes es activitats organizades per aguesta associacion en futur, donques que son d’ua grana ajuda entà fòrça gent e dan un servici benéfic plan important”.