Notícies Veir istoric
Vielha e Mijaran artenh eth supòrt dera Deputacion de Lhèida entà consolidar era contunhitat deth Palai de Gèu
Eth Consistòri iniciarà en breu eth cambi deth cortinatge de separacion dera pista de gèu damb era piscina coberta e era modernizacion diuèrses infraestructures per 180.000€.
Aué s’an amassat en Lleida Juan Antonio Serrano, baile de Vielha e Mijaran e eth deputat provinciau Paco Boya damb Joan Reñé, president dera Deputacion de Lleida entà avalorar era implicacion dera Deputacion damb es inversions economiques urgentes qu’aurà de besonh eth Palai de Gèu. Ua auditoria extèrna, sollicitada peth Consistòri, resolvec qu’es installacions an de besonh ua inversion a miei termini de mès de 600.000€ en desparièrs punts deth centre esportiu. En aguest sens, er Ajuntament iniciarà en breu es òbres mès urgentes, per valor de 180.000€, que son eth cambi deth cortinantge acristalat que separe era piscina cubèrta dera pista gèu, que se tròbe en un estat de risc, e era modernización e legalizacion de diuèrses infraestructures tara instalacion. Dempús de conéisher aguesta situación, eth baile Juan Antonio Serrano, amassa damb eth deputat Paco Boya sollicitèren ua reunion damb eth president dera Deputacion damb era intencion d’arténher ajuda económica entà solucionar eth grèu problema financèr deth Palai de Gèu.
Aguesti punts an estat exposadi aué ath president dera Deputacion per part de Juan Antonio Serrano, que li a ahijut era d’èster era unica pista de gèu de tota era província de Lleida, ei per açò qu’era Deputacion s’a comprometut, a trauès d’ua ajuda deth futur Plan d’Inversions Extraordinàries e damb ua aportacion anuau deth Plan de Finançament Sostenible, a contribuïr ara contunhitat deth Palai de Gèu damb era melhora der equipament dera installacion. Segontes declaracions de Juan Antonio Serrano "estam fòrça satisfèts damb es resultats dera amassada e voi arregrair era collaboracion deth deputat Paco Boya e era bona predisposicion deth president dera Deputacion" e ahigie ath delà "qu’era nòste Equip de Govèrn ei disposat a trabalhar dur entà dar contunhitat as servicis deth Palai de Gèu, pr’amor qu’ei eth nòste objectiu primordiau continhuar en tot aufrir as nòsti vesins e visitants un centre esportiu de prumèra orde" Ath delà, era Deputacion collaborarà economicaments damb eth "Campionat d’Espanha Absolut de Patinatje Artístic sus Gèu 2016" que se realizara en Vielha deth 16 ath 18 de deseme e que condarà damb era presencia de Javier Fernández, campion deth mon.
08/11/2016