Notícies Veir istoric
Grani resultats des patinadors aranesi ena Copa CEGVA disputada aguesta dimenjada en eth Palai de Gèu de Vielha
Damb era collaboracion der Ajuntament de Vielha e Mijaran
Eth 29 e 30 d’octobre se celebrèc era Copa CEGVA de Patinatge Artístic sus Gèu en eth Palai de Gèu de Vielha. Ei era prumèra pròva puntuable entara Liga Catalana de Patinatge Sus Gèu. Eth dissabte se disputèren es categories Autonomiques A e B e eth dimenge es categories Nacionaus. 13 sigueren es podiums que s’emportèren es patinadors deth CEGVA. En categoria Escòla, Leyla Queiruga e Telmo Ripa s’emportèren era 1èra plaça. En Debutants, Dani Odriozola pugèc ara 2au plaça e Sara Luque, Berta Feixas, Dana López e Ares Figueruelo as 4au, 5au, 6au e 7au respectivament. Meritòris lòcs pr’amor qu’ère era sua prumèra competicion. En Alevin, Martí Alonso pugèc naut de tot deth podium , Júlia Feixa artenhec eth 3au. lòc e Abril Pastor eth 7au. En categoria Cadet, Anne Ripa siguec 3au. e en Veterans, Julien Levacher 1èr. En Novive Autonomic, Ares Capdevila acabèc 2au.
Enes categories Nacionaus en Debutants e Basic Novice B, Naia España e Aina Masip, respectivament, artenhèren era 1èra plaça. En Junior 1èra: Iria España guanhèc seguida dera sua companha d’equip Georgina Serrallach que quedèc 2au. En Junior ISU, Alexandru Ilici 1èr. e en Junior 1èra., Griselda Serrallach 4au. En basic Novice A, es patinaires aranese quedèren atau: Lucía Sánchez 8au, Sara Monteagudo 10au, Claudia Capdevila 13au e Irene Arís 16au.
02/11/2016