Notícies Veir istoric
Er Ajuntament de Vielha e Mijaran presente era dusau edicion dera sua programacion culturau tà tota era familha
Laguens deth cicle “Vielha en scena” qu’organize damb era associacion Aran Teatre
Aguest dissabte 5 de noveme comence era prumèra actuacion de teatre tà tota era familha laguens dera programacion der Ajuntament de Vielha e Mijaran “Vielha en scena”. Es actuacions s’amiaran a tèrme ena sala Era Audiovisuau de Vielha, coma ena anteriora edicion, de noveme enquia mai, un dissabte ath mes pendent eth cors escolar. Segontes Maria Vergés, còsso de cultura der Ajuntament, “damb aguesta programacion volem apropar eth teatre e era cultura as mès petiti a prètzi fòrça populars”. Es actuacions formen part dera programacion culturau der Ajuntament “Vielha en scèna” que “tanben compde damb actuacions infantiles gratuïtes ath long de tot er an, entà que siguen accessibles a toti es publics” declaraue Vergés.
Era prumèra actuacion se presentarà aguest dissabte dia 5, tàs 18’00h, en Era Audiovisuau de Vielha, damb eth “Mag Edgar” e eth sòn espectacle “Somiatruites”.
02/11/2016