Notícies Veir istoric
Liurament d’aliments e sòs recuelhuts en Trail Solidari des Hèstes de Vielha e Mijaran a Caritas Val d’Aran.
Er eveniment, organizat peth Centre Trail Val d’Aran, siguec un exit en tot compdar damb era participacion de 150 corredors
Pendent es Hèstes Majors de Vielha 2016 deth passat mes de seteme, eth Centre Trail Val d’Aran organizec eth II Trail Solidari entara remasada d’aliments e sòs entà Caritas Val d’Aran. Damb ua participacion de 150 persones er eveniment siguec u nau exit, toti es participants sonque auien d’aportar aliments entà poder incriuer-se ara carrera, qu’auie dus circuits disparièrs egontes era dificultat e en tot finalizar se podie tanben collaborar economicaments en Vermouth Electrònic organizat per diuèrsi bars deth municipi. En totau s’amassèren 377litres de lèit, 51kg de minjar e se recaudèren 250Euros, qu’an estat liuradi, aué, as responsables de Caritas Val d’Aran., en Ajuntament de Vielha e Mijaran, collaborador der eveniment.
Des deth Consistòri s’a felicitat as organizadors pera iniciatiua e se les a comunicat que en tot moment i aurà un compromis per part deth madeish a contunhar e collaborar damb eveniments d’aguesta categoría tant de besonh damb es persones qu’an de besonh ajuda.