Notícies Veir istoric
Vielha e Mijaran manten er IBI e aumente era taxa de mantenement deth hilat d’aigües
Er aument d’aguesta taxa s’amie a tèrme entà poder asumir es grèus deficiéncies que presente eth sistema de suministrament, en tot passar de 18.00€/an a 33.00€/an.
Eth plen extrordinari der Ajuntament de Vielha e Mijaran celebrat aué dijaus, a aprovat er increment en 15.00 euros/an dera taxa de mantenement de canalizacion d’aigüa potabla deth municipi entà er an 2017, en detectar que grana part dera installacion se trape en un estat deficient e infradimensionat, eth 60% dera installacion ei encara originau des ans cinquanta e seishanta e jamès s’a realizat cap tipe de inversion pendent aquesti darrers ans entà cambiar o ben melhorar aguesta situación. Es darrères panes e incidéncies, qu’an agut un còst de mès de 50.000 euros, an hèt evident qu’er hilat de suministrament d’aigüa potabla en municipi se trape en mau estat, dempús de tanti ans. En un estudi financèr, s’a verificat que Vielha e Mijaran ei un des municipis damb era taxa de manteneça deth hilat d’aigües mès baisha de tota era Val d’Aran e de Catalunya. Segontes declaraue Juan Antonio Serrano, baile de Vielha e Mijaran "Tot e aguest increment, era taxa contunhe estant ua des mès baishes de Catalunya. S’er Ajuntament auesse aplicat es critèris abituaus en aguest tipe de taxes, eth còst per abitatge serie d’uns 400.00 euros/an".
A tot açò, cau restacar qu’era disolución de VIGESA e era gestión det Palai de Gèu an agravat encara mès era situación economica deth pressupòst municipau, per tot açò, s’a agut de recorrer a d’aguesta mesura en tot considera-la mens agresiua entara ciutadania, e qu’a de perméter obtier part des recorsi de besonh entà realizar es òbres qu’apertien. "Aguesta no a estat ua decision facila de préner, pr’amor que non volem cargar damb mès pression economica as ciutadans, e per aquerò auem optat per aguesta opcion e non pas per un aument der Impòst Bienes Inmuebles (IBI), qu’ei era hònt d’ingresi mès fòrta entàs arques municipaus", declaraue Serrano. En aguest plen s’a aprovat tanben era modificacion d’autes taxes coma era d’aucupacion des vies d’usatge public damb taules e cagires (terrasses) qu’a estat acordada per consens damb eth Grèmi d’Ostalaria dera Val d’Aran. Er aute punt deth dia en plen a estat era modificacion deth pressupòst municipau entà, entre d’auti ahèrs, hèr-se càrrec des dus crèdits bancaris, per un valor de 462.000 euros signadi per VIGESA en 2009 e 2011 e qu’a d’assumir er Ajuntament