Notícies Veir istoric
Lum verda ar engodronament e renovacion der illuminat de diuèrsi carrèrs de Vielha
Era equipa de govèrn a aprovat dus projèctes, un d’illuminacion e un aute de godronament en diuèrses zònes deth municipi.
Era Junta de Govèrn der Ajuntament de Vielha e Mijaran a aprovat dues importants actuacions entath municipi. Era prumèra consistís en godronament de diuèrsi carrèrs que actuaument se trapen en mau estat. Se tracte des carrèrs: Avenguda deth Solan, C/ López Munuera, C/ Sarraèra e Avenguda Maladeta ena localitat de Vielha e des carrèrs d’accesi as pòbles de Casau e Escunhau atau coma en Casarilh. Damb aguest asfaltat s’includís tanben era rampa d’accès ara Escòla Garona e eth parcatge des antigues casèrnes militares. Eth dusau projècte aprovat a estat era renovacion der enlumenat public dera Avenguda Castièro e era Avenguda Pas d’Arró, entà sustituir eth sistèma actuau per un enlumenat mès efectiu e damb major estauvi d’energia.
Entà Juan Antonio Serrano, baile de Vielha e Mijaran "damb aguestes òbres se preten contunhar damb es trabalhs de mantenement des servicis publics que pendent aguesti darrèri portant a tèrme" Enes pròplèu dies s’iniciaran es òbres des dus projèctes.
04/10/2016