Notícies Veir istoric
Era assemblada dera ACNA organize ua jornada de conferéncies en Era Audiovisuau
Eth dissabte 15 de noveme
Eth dissabte 15 de noveme se celèbre ena sala Era Audiovisuau de Vielha era Assemblada dera Associació per al Coneixement de la Neu i els Allaus (ACNA), qu’includís ua jornada de conferéncies damb er objectiu de formar e educar, as amants dera montanha o persones interessades en conéisher er entorn naturau des Pirenèus, sus es risqui e perilhs dera nhèu e es lauegi ena montanha.
Era jornada, que preten èster participativa, compde damb eth collaboracion de diuèrsi membres dera ACNA e entre es charrades, que començaràn tàs 9.30 ores, trobam: ua analisi sus eth Colorado Avalanche Information Center dera man de Sara Orgue; coma se contròlen es lauegi enes mines de Chile damb Jordi Gavaldà e Marc Janeras; eth balanç sus era anteriora assemblada d’Iván Moner; es diferenti tipes de terren des lauegi damb Montse Barcadit; era seguretat ena practica der esquí freeride dera man d’Aymar Navarro; e ua charrada sus eth canhòt de lauegi damb Iván Muñoz.
Pendent es conferéncies tanben se presentaràn es corsi de formacion qu’era ACNA impartís enes Pirenèus. Era assemblada dera ACNA arrancarà tàs 16 ores e ei barrada as sòcis dera associacion.