Notícies Veir istoric
Excursions damb Eth Trenet de Vielha organizades per Ajuntament de Vielha e Mijaran
Entà es alumnes dera Escòla Mairau Era Cunhèra, era residéncia entà gent grana
Er Ajuntament de Vielha e Mijaran a organizat tres excursions damb Eth Trenet entà tres grops plan importants de Vielha, es alumnes dera escòla mairau "Era Cunhèra", qu’ac gaudiren ager dimercles, entà era gent dera tresaua edat dera residéncia "Sant Antòni" qu’ac gaudiran aué dijaus e entath centre persones ta persones discapacitades ADDA, que realizaran era excursion deman diuendres. Alberto López, còsso der Ajuntament de Vielha e Mijaran, a acompanhat ath grop dera gent grana dera residéncia Sant Antòni.
Es tres grops an arregrait era iniciatiua des excursions e es grops que ja les an realizat an gaudit fòrça dera experiència, "pramo’r qu’ei ua forma de gésser dera rutina diària", segontes an informat. Tanben arebrembam qu’er Ajuntament de Vielha e Mijaran meterà Eth Trenet a disposicion des persones que volguen participar ena Santa Misa en Santuari dera Mare de Diu de Mijaran eth proplèu 8 de seteme, dia dera nòsta hèsta. Era gessuda deth Trenet sera deuant dera Sala d’ Exposicions ena Avengua Pas d’Arró , 7.