Notícies Veir istoric
Presentacion Oficiau deth nau responsable dera Brigada Municipau d’Òbres e Servicis der Ajuntament de Vielha e Mijaran
Deuant era Brigada e es responsables des Infrastructures Municipaus
Juan Antonio Serrano, baile de Vielha e Mijaran, amassa damb es còssos d’Infrastructures, Òbres e Servicis, Jacinto Cuny e Ramón González, an presentat aué a Sergio Lacort Chasco coma nau Responsable dera Brigada Municipau deth consistòri, dempús de superar damb era major nòta eth concors-oposicion entara plaça. Er acte s’a celebrat en dues parts, ua damb toti es membres dera Brigada Municipau e auta damb es responsables des Infrastructures Municipaus; Bibliotèca, Escòla Infantila, Espòrts e Vigilants Municipaus.
Juan Antonio Serrano a declarat “te dam era benvenguda en Ajuntament e te desiram ua rapida integracion ena Brigada, ath delà d’aufrir-te tot eth nòste supòrt”. Tanben a agut mots entà toti es membres dera brigada “eth vòste trabalh ei fòrça important entà toti es vesins e visitants des municipis de Vielha e Mijaran, per çò que vos arregraïsqui eth vòste esfòrç e dedicacion”. Eth nau responsable dera Brigada, Sergio Lacort declaraue que “vengui damb fòrça illusion e desirs de trabalhar damb toti vosati e desir poder èster integrat çò d’abantes possible”.