Notícies Veir istoric
Tot prèst tara Hèsta Major de Vielha 2016
Damb un programa plen d’activitats entà toti deth 7 ar 11 de seteme
Er Ajuntament de Vielha e Mijaran, damb era Comission de Hèstes, trabalhe entà poder aufrir, pendent es dies 7 enquia er 11 de seteme, ua naua Hèsta Major de Vielha ena que i poguen participar toti es vesins. Entad aguest an se contunharà damb es cambis e nauetats der an passat, coma era entrada de franc en balh e eth loguèr des lòtges per 60€ (ja se pòden logar en Ajuntament, enquiath 2 de seteme, en orari de 9 a 14 ores). Era Comission de Hèstes mos a premanit un programa plen d’activitats a compdar deth dia 7 de seteme, dia que se celebrarà era Net de Penhes, enguan organizada per “Penha Heykehèm”. Eth tema dera Net Tematica deth dia 9, enguan serà “Dolenti e dolentes de pellicula e condes” e eth dia 10 se realizarà eth Dinar Popular ena Plaça dera Glèisa (podetz crompar es tiquets en Ajuntament e ena Oficina de Torisme de Vielha, 10€ per persona).
Es dies 3, 4, 5 e 6 tanben s’amiaran quauques activitats pensades entà toti es publics. Juan Antonio Serrano, baile de Vielha e Mijaran, en nòm der Ajuntament declaraue que “desiri que passegatz ua bona Hèsta Major de Vielha damb era vòsta familha e amics, contunharam trebalhant dia a dia entà melhorar eth nòste municipi e sustot era qualitat de vida des nòsti vesins e vesies"