Notícies Veir istoric
Melhores e mantenement deth camin “Eth Pòrt de Vielha”
S’a melhorat tot eth camin, de Vielha enquiara Boca Sud deth Tunèl
Er Ajuntament de Vielha e Mijaran a amiat a tèrme ua accion de neteja, mantenement e melhora deth Camin istoric deth Pòrt de Vielha, dera Boca sud deth tunèl enquiath Cap dera Vila de Vielha. En totau an estat 15 quilomètres enes quaus s’an revisat e apraiat totes es senhaus orizontaus deth camin GR-211.5, en tot inclodir-ne bèra ua mes entà melhorar era seguretat. Ena zòna sud s’a mercat un solet camin en bòsc entà evitar eth progressiu deteriorament dera zòna e assolidar eth camin. Ena zòna nòrd, s’a procedit ara neteja e mantenement der airau deth guardader de Vielha, atau tanben s’an apraiat e pintat es bancs de husta plaçadi entre eth Cap dera Vila e eth guardader.
Era darrèra tardor se realizèc era prumèra fasa des trabalhs, que s’an finalizat ara en començament d’aguest ostiu. Cau remercar qu’eth Camin deth Pòrt de Vielha a ua nauta utilizacion entàs caminairesx, pr’armor que per aquiu passen diuèrses rotes tematiques de trekking, coma “Setau Sagèth”, eth nau “Tour der Aneto”, e tanben ei part deth camin en rodon que recor eth Parc Nacionau d’Aigüestòrtes, coneishut coma “Camins Vius”. Ath delà ei utilizat de hè ans tà eveniments coma eth "Romiatge de Santa Quitèria" e entara Corsa "Aran per sa Lengua".
10/08/2016