Notícies Veir istoric
Promocion toristica des pòbles de Vielha e Mijaran en dues importantes revistes
Excursions, cultura e arquitectura se dan a conéisher enes articles publicadi aguest ostiu entà dar a conéisher es recorsi e atractius deth municipi.
Er Ajuntament de Vielha e Mijaran, laguens es sues accions en promocion toristica, a publicat enes revistes dera sason estivau de "Baquèira-Beret" e "Pànxing Pirineus" dus estensi reportatges sus excursions e patrimòni culturau. Entà Juan Antonio Serrano, baile de Vielha e Mijaran, “damb aguesta promocion toristica volem portar a terme eth coneishement entàs lectors de toti es nòsti pòbles e es sòns principaus atractius que son es sòns camins de montanha, glèises, guardaders, entre d’auti, en tot perméter as nòsti visitants conéisher tanben era aufèrta toristica que ne disposam pendent es mesi de primauera a tardor”.
Es reportatges plantejen diferente recorreguts entà conéisher a pè es principaus punts d’interès damb explicacions des elements naturaus e patrimoniaus qu’eth visitant pòt trapar pendent era sua estada ena Val d’Aran. Es dus articles an compdat damb era collaboracion d’un guida de montanha locau.
04/08/2016