Notícies Veir istoric
Vielha e Mijaran dispause ja deth servici toristic deth trenet
S’an dessenhat dues naues rotes que melhoraràn eth servici e era aufèrta toristica deth municipi.
Er Ajuntament de Vielha e Mijaran met en foncionament eth servici toristic de "Eth Trenet" entàs mesi de junhsèga e agost, dirigit per ua empresa privada. Coma grana nauetat entà enguan, s’an creat dues naues rotes, peth maitin eth recorregut serà pes poblacions d’Escunhau e de Vilac, en foncion des dies, entà hèr conéisher as visitants d’autes poblacions deth municipi e pera tarde er itinerari serà peth nuclèu urban de Vielha. Ua auta des nauetats d’aguesta sason d’ostiu serà era sua parada principau en Vielha, plaçada ena Avenguda Pas de Arró, en parcatge des casèrnes militars, en tot facilitar er accès as usatgèrs. Es naui cambis d’aguest servici toristic permeteràn apropar er espai naturau e culturau ara rèsta de municipis de Vielha e Mijaran entà toti es visitants que pendent aguest ostiu siguen alotjadi en caplòc aranés.
12/07/2016