Notícies Veir istoric
Avaloracion positiva des activitats esportives organizades peth Conselh Esportiu Val d’Aran a Vielha
Es activitats s’an desvolopat en Pabalhon d’Espòrts e en Palai de Gèu de Vielha
Pendent eth passat cors escolar, eth Conselh Esportiu Val d’Aran organizèc diferentes activitats esportives en Vielha entà adolescents e adults a cargue de José Antonio Moreno, tecnician esportiu, e qu’an agut ua grana afloéncia de participaires. Totes es activitats esportives se realizèren es installacions der Ajuntament de Vielha e Mijaran, coma son es sales extèrnes deth Palaide Gèu e eth Pabalhon d’Espòrts, que se cediren entara sua practica, en tot collaborar damb eth Conselh Esportiu Val d’Aran ena practica d’activitats esportiues. Aguesta a estat era prumèra sason ena que se desvolopen jos eth mandat dera naua equipa de govèrn e entà Alberto López, còsso d’espòrts "avaloram gratament era acceptacion qu’an agut es activitats esportives desvolopades enguan e ei qu’ei, de vitau importància entà nosates, fomentar er espòrt e era vida saludabla entre es adolescents e adults".
Es espòrts que s’an amiat a tèrme pendent aguest temps an estat eth Tennis Taula, Voleibol, Fotbòl Sala e Bàdminton, er ua clara escomesa deth consistòri de fomentar d’autes practiques esportives entre era ciutadania. Entath pròplèu cors, Alberto López a declarat "apostaram entà incorporar naues activitats que diversifiquen era aufèrta esportiva e melhoraram es existentes, tant damb nau materiau coma en tot agranir es installacions, coma ei eth Tennis Taula qu’ac passaram ath Pabalhon d’Espòrts".
07/07/2016