Notícies Veir istoric
Vielha acuelherà era finau dera Pyrenees Stage Run eth 10 de seteme
Damb gessuda en Espot, serà era setaua e darrèra etapa dera pròva.
Eth pròplèu dia 10 de seteme, Vielha serà era sedença dera finau dera setaua etapa e dera trauèssa d’aguesta mitica corsa pes Pirenèus catalans. Era Pyrenees Stage Run ei ua corsa de nauta montanha en parelhes, de set etapes, que comence en Ribes de Freser e finalize en Vielha. Recor en grana part eth GR-11 damb un totau de 248 quilomètres e 15.000 mètres de desniveu, en tot trauessar cinc Parcs Naturaus e en tot passar pes localitats de Puigcerdà, Encamp, Arinsal, Tavascan e Espot, damb un totau de 150 participants. Era etapa que finalizarà en Vielha a era sua gessuda en Espot, damb ua distància de 44 quilomètres e ua durada de 11,30 ores, en tot trauessar Aigüestòrtes, Sant Maurici, Ratera e Colomers entà arribar ath centre de Vielha, eth 10 de seteme, e a on aguest dia eth pòble celèbre es sues Hèstes Majors.