Notícies Veir istoric
Era Glèisa de Mijaran acuelh un concèrt gospel de Marlena Smalls
Eth pròplèu dimenge 7 de deseme
Eth dimenge 7 de deseme era Glèisa de Mijaran de Vielha acuelh un concèrt Gospel dera man de Marlena Smalls & The Hallelujah Gospel Chorale. Er eveniment començarà tàs 21 ores dera net e se demore qu’aumplisque eth temple en ua actuacion damb era milhor seleccion de cançons Gospel e Blues deth sud des Estats Units.
Marlena Smalls ei ua des mès versatils, dinamiques e inspirades artistes de Gospel des EEUU. Ath delà de cantaira de Gullah e Gospel, Marlena tanben a interpretat musica contemporanèa, Jazz e Blues. Tanben son remercables es sues accions entà un gran nombre de personalitats, entre es que cau destacar Hillary Clinton e era Reina Isabel II d’Anglatèrra.
Smalls ei fondadora der Hestivau Gullah de Beaufort, qu’acuelh a mès de 100.000 persones. En 1990 creèc eth grop The Hallelujah Singers entà preservar era cultura Gullag des isles de Carolina del Sud.
Eth prètz per entrada anticipada ei de 15 èuros, e eth de taquilha ei de 18. Se pòden crompar es entrades anticipades enes burèus de Torisme de Vielha e de Salardú, o on-line en portau project.es.
28/11/2014