Notícies Veir istoric
Amassada des bailes de Vielha e Mijaran, Benasque e Luchon entà avaluar era aprobacion deth projecte POCTEFA
Er objetiu deth projecte ei realizar accions en comun des tres vals
Es bailes de Vielha e Mijaran, Benasque e Luchon s’an amassat auè, dijaus, 16 de junh, ena Mairie de Luchon entà avaluar era aprobacion deth projecte que presenteren amassa "Reino del Aneto", un producte toristic d’explotacion enes tres vals, damb un impòrt de 702.000€. Aguest projecte lo presenteren amassa en 2015 alaguens deth marc deth "Programa Operativo Territorial España Francia Andorra (POCTEFA) 2014-2020". Aguest programa represente un sustent financer comunitari destinat a reforzar era integracion economica e sociau d’aguesti territòris. Eth principau objetiu des tres municipis ei realizar accions de desvolopament sostenible a compdar des sòns recursi naturaus, de paisatje e culturaus, en tot aprofitar era demanda toristica. Pendent es proplèus tres ans, Vielha, Luchon e Benasque seràn conectadi a trauers d’accions culturaus, toristiques e sociaus.
Ua des primeres accions deth projecte “Reino del Aneto”, serà era creacion d’ua aplicacion toristica entà mobils, damb tota era informacion des serveis, establiments e rotes. Ara fin dera amassada, es tres representants des municipis an declarat que “eth prumer éxit deth projecte ei auer arribat a establir contacte es tres vals e era intencion ei contunhar colaborant un còp finalizat eth projecte”.
16/06/2016