Notícies Veir istoric
Er Ajuntament de Vielha e Mijaran comence eth Pla d’Activitat Fisica, Espòrt e Salut (PAFES)
Des de hè uns mesi era regidoria d’Espòrts der Ajuntament de Vielha e Mijaran trabalhe ena elaboracion dera campanha PAFES, entà potenciar era practica dera activitat fisica de tota era poblacion e melhorar era qualitat de vida en tot dirigi-la tà un estil de vida actiu e saludable. Entad açò aguesta madeisha setmana s’inicie un procès de participacion ciutadana ena que a compdar d’ua enquèsta s’evaluaran es besonhs e interèssi dera poblacion ara ora de practicar quinsevolh activitat física-esportiua . Era enquesta se realizarà a pè de carrèr encara que tanben existirà era possibilitat de hè’c a trauès d’internet o en tot dirigir-se as punts oficiaus de recuelhuda e liurament d’enquèstes en Ajuntament de Vielha e Mijaran, Palai de Gèu e Casau deth Jubilat de Vielha. Segontes declaracions deth còsso d’Espòrts de Vielha e Mijaran, Alberto López: Ei de vitau importància qu’era ciutadania participe e collabòre en aguesta accion donques que mercarà es bases deth Plan e determinarà es objectius d’inversion entà arténher beneficis e aumentar era salut des persones.