Notícies Veir istoric
Presentacion oficiau en Vielha dera MTB Pedals de Foc Non Stop – Campionat d’Espanha de Ultramarathon de MTB
Se disputarà es dies 18 e 19 de junh damb gessuda e arribada en Vielha damb 800 inscriti
Aué s’a realizat, en Ajuntament de Vielha e Mijaran, era presentacion oficiau dera prestigiosa carrèra de biciclètes de montanha XI Pedals de Foc Non Stop – Campionat d’Espanha de Ultra Maraton, que se celebrarà en Vielha es pròplèus dies 18 e 19 de junh. Ara presentacion an assistit Juan Antonio Serrano, baile de Vielha e Mijaran, Alberto López, còsso d’Espòrts, Pep Vega, director de Pedals de Foc e Roberto Boya, President dera Associacion de Volentaris Val d’Aran. Cau arrebrembar qu’er Ajuntament signèc un acòrd de collaboracion, eth passat 9 de mai, damb era organizacion dera carrèra, donques qu’eth consistòri vò dar eth sòn maximal supòrt ad aguest eveniment de maximal nivèu en ciclisme de montanha.
Juan Antonio Serrano, a comentat “entà Vielha e Mijaran ei fòrça important dar supòrt a d’aguesta carrèra, tant pera publicitat que da ara nòsta poblacion coma peth nombre de visitants que vieràn a visitar-mos, tant corredors coma acompanhants, pendent aguestes dates de pòca afluéncia toristica”. Era Pedals de Foc Non Stop d’enguan a eth sòn limit d’inscriti complèt, damb 800 esportistes, que se daràn cita eth pròplèu dissabte 18 de junh en Vielha, en Passeig dera Libertat entà recórrer es mès de 200 km. deth recorregut entà arribar ara mèta, plaçada en Vielha.
06/06/2016