Notícies Veir istoric
Finalizen es òbres de reconstruccion dera cabana grana d’Escunhau
Destruïda er iuèrn passat
An finalizat es òbres de reconstruccion dera cabana grana dera montanha d’Escunhau, qu’er iuèrn passat s’emportèc un laueg, entà que pogue passar es mesi que vien de heired es bones condicions.
Er iuèrn passat un laueg estrossegèc es dues cabanes dera montanha d’Escunhau, apròp deth parcatge entà pujar ar Estanho d’Escunhau. Es installacions èren un auviatge important entàs vesins deth pòble, donques acuelhien era romeria deth Santet, en aunor a Sant Roc e Sant Sebastian eth 3 de junhsèga.
En ua prumèra fase d’òbres, s’a rebastit era cabana grana. Entre es parts apraiades se tròben eth tet, era pòrta, era tumenèja e s’a rehèt e forrat de pèira era paret deth penau. Ei planificada ua dusau fase d’òbres entà recuperar era cabana petita e eth corrau, mès tà deuant.
Eth còst totau ei de 15.374,38 èuros, era Entitat Municipau Descentralizada d’Escunhau e Casarilh apòrte eth 60%, damb eth compromís de collaboracion economica der Ajuntament de Vielha e Mijaran, e eth Conselh Generau d’Aran eth 40% restant.
18/11/2014