Notícies Veir istoric
Er Ajuntament de Vielha e Mijaran inície ua campanha de melhores en municipi
Es trabalhs de jardinería e mantenença se realizaran pes servicis municipaus e per empreses especializades deth municipi
Dempús dera aprobacion dera modificacion de crèdit deth Pressupòst der exercici 2016 en darrer Plen Municipau deth dia 11 de mai, er Ajuntament de Vielha e Mijaran a preparat ua seria de melhores en Vielha e es sòns pòbles. Enes pròplèus dies, es servicis municipaus deth consistòri trabalharàn en diferents punts deth municipi, dempús d’auer-se concretat eth projècte des servicis tecnics, qu’an avalorat pendent es darrèri mesi es accions mès urgents. Segontes declarec Jacinto Cuny, còsso d’Infrastructures, Òbres e Servicis “s’an demorat es òbres de mantenença e neteja a causa de que demoràuem es informes d’accion deth Burèu Tecnic der Ajuntament, amassa damb era aprobación der actuau pressupòst, entà poder trabalhar enes punts mès urgents e importants, tant de Vielha coma des poblacions pedáneas de Vielha e Mijaran”.
Quauques d’aguestes accions en Vielha seràn: era substitucion des arbes deth parcatge des antigues casèrnes militars per un tipe d’arbe mès comun deth territòri, er auet, atau coma era sustitucion tanben ena Avenguda Pas d’Arrò, des plantes actuaus per arbusti, que son mès resistenti deuant es cambis de temperatures. Entà finalizar, e per motius de seguretat, se talharà er arbe que i a ath costat deth Musèu de Vielha, donques qu’es sues arraïtzes creishen fòrça apròp dera estructura der eidifici e pòt èster perjudiciau entath madeish. En çò que afecte as pedanies, se demore er informe tecnic d’accion entàs aparaiaments des carrèrs que se preve siguen prèsti en breus, atau, amassa damb eth pressupòst aprovat, se poderàn començar es òbres d’adeqüacion e mantenença des carrèrs e parcs de cadua. En aguest sentit aué an començat ja es trabalhs de jardineria e mantenença en aguesti pòbles dempús d’auer demorat quauqui dies pes tramits administratius de besonh.
26/05/2016