Notícies Veir istoric
Er Ajuntament de Vielha e Mijaran estree eth sòn nau portau de Transparéncia.
Operatiua ena web www.vielha-mijaran.org
Se daurís i auta importanta pòrta qu’era ciutadania, ath delà de visualizar era informacion, que ei plan relevant entà garantir era transparéncia, poderà tanben utilitzar eth dret d’accès a quinsevolh tipe que d’informacion publica sus era gestion municipau. “Des der Ajuntament de Vielha e Mijaran auem trabalhat damb era Lei de Transparéncia 19/2013, de 9 de deseme e aufrim atau as ciutadans era possibilitat de conéisher de prumèra man era informacion publica e de bon govèrn der ajuntament” segontes a destacat Alberto López, còsso de Naues Tecnologies der Ajuntament de Vielha e Mijaran. Ena pestanha que se tròbe en marge esquèr dera web de www.vielha-mijaran.org eth ciutadan pòt accedir a tota era informacion, tant der Ajuntament de Vielha e Mijaran coma des Entitats Municipaus Descentralizades de Arròs e Vila, Aubert, Betren, Casau, Escunhau e Casarilh, Gausac e Vilac.
Era informacion que se tròbe includida ei era següenta: - Informacion Institucionau e Organizativa. Organizacion politica, Personau, Entitats e d’Auti organismes. - Gestion economica. Pressupòsti, Gestion tributària e economica, Auviatge e Subvencions. - Accion de Govèrn e normatiua. Actes, Acòrds, Edictes, Convocacions, Normatiues, Plans e Estratégias. - Contractes, convènis e subvencions. Perfil deth contractan, Mendres, Organs e Convènis de collaboracion. - Catalòg de Servicis e Tramits. Aufèrta de servicis e Tramits ponudi a disposición dera ciutadania. Tota era informacion serà sauvada en portau e s’actualizarà continuaments, ath madeish temps que serà incorporarà documentacion en foncion des naues activitats que se genèren. “Trabalham en tot complir es nòsti compromisi, en tot bastir un Ajuntament daurit ath pòble, que sigue accessible, eficient e sustot transparent” remerquèc Alberto López .
14/04/2016