Notícies Veir istoric
Signatures des convènis entre er Ajuntament de Vielha e Mijaran e es associacions araneses, Associacion de Donants de Sang dera Val d’Aran e Associacion Discapacitats d’Aran
Es dus convènis són annuaus e renovables
Eth baile de Vielha, Juan Antonio Serrano, s’a amassat aué, deluns 11 d’abriu, entara signatura de dus convènis damb es representants des associacions de Vielha, Luisa Estévez, coma Presidenta dera Associacion de Donants de Sang dera Val d’Aran e Dolors Berdié, coma Directora tècnica deth Talhèr Ocupacionau ADDA, entitat depenenta dera Associacion Discapacitats d’Aran.
Aguestes dues associacions, plaçades en Vielha, an cadua eth sòn objetiu, per un costat, era Associacion de Donacion de Sang promòir era donacion de sang entre es ciutadans d’Aran, mejançant campanhes annaus, entà collaborar damb eth Banc de Sang e Teishuts (BST) e per aute, eth Talhèr Aucupacionau ADDA ei era alternatiua ara integracion laborau d’aqueres persones damb discapacitacion que pas pòden incorporar-se en sistèma ordinari de trabalh e tampoc en un centre especiau de trabalh. Era finalitat principau d’un centre ocupacionau ei era integracion sociau des persones ateses ben sigue per miei dera Terapia Aucupacionau, damb activitats d’ajust personau e sociau e tanben damb activitats d’ocupacion terapeutica. Segontes paraules de Juan Antonio Serrano “son dus deres associacions mès importantes qu’auem e ei entà nosati, des deth nòste Ajuntament, un plaer poder collaborar damb eres”. Aguesti convènis son laguens dera Ordenança Municipau reguladora de subvencions aprovades peth Plen de data 22 de deseme de 2005 e modificada per Acòrd deth Plen deth dia 26 de seteme de 2007 e per Acòrd deth Plen de seteme de 2014. Es dus convènis an ua vigéncia d’un an, e es dues parts poiran acordar pendent era vigencia deth convèni era sua pròrroga entà fotures annualitats
11/04/2016