Notícies Veir istoric
Eth Palai de Gèu de Vielha e Mijaran barre 2015 damb ua aumentacion deth 40% en nombre d’abonadi.
Eth dusau semèstre der an a resultat positiu entà eth Palai de Gèu, gracies ath increment deth nombre d’usatgèrs en relacion damb es dus darrèrs ans.
Des dera entrada en vigor dera naua politica de prètzi en darrèr mes de seteme, s’artenhèc congelar es tarifes der abonatge annau e redusir eth prètz des abonatges trimestraus e mensuaus deth Palai de Gèu. En conseqüéncia, s’a constatat rapidaments ua aumentacion de 40% en nombre d’abonadi ena installacion municipau, en tot perméter atau ampliar servicis e aufrir naues activitats dirigides e gratuïtes as usatgèrs.
Alberto López, Còsso d’Espòrts de Vielha e Mijaran, destaque que “era gestion amiada a tèrme en es darrèri mesi a permetut conéisher es besonhs des usatgèrs, en tot perméter adaptar era aufèrta e es activitats esportiues as interèssi des ciutadans”. Coma novetat, s’an includit laguens era programacion setmanau es activitats dirigides de yoga, zumba, HIIT, exercici intermitente de nauta intensitat e TRX, un nau metòde d’entrenament en suspension que permet entrenar tot eth còs en tot utilizar eth pes corporau e era resisténcia ara gravetat.
Ath delà, es classes de spinning s’an aumentat de tres a cinc sessions setmanaus, entà poder abastecer tota era demanda qu’a sorgit en darrèr trimèstre de 2015
Auta des accions amiades a tèrme pendent era sason escolara 15-16 a estat era rebaisha de 30% envolòpa era quòta que s’aufrís as centres d’ensenhament entà impulsar cursets de natacion.
09/02/2016