Notícies Veir istoric
Er alcalde de Vielha e Mijaran s’amasse damb eth sector ostalèr entà modificar era normativa d’usatge der espaci public
Aguestes modificacions afècten basicament as terrasses de bars e restaurants e s’amien a tèrme entà adaptar es besonhs deth sector e deth municipi ara realitat existenta
Juan Antonio Serrano, alcalde de Vielha e Mijaran, a amiat a tèrme aué ua amassada damb representants deth sector ostalèr entà trabalhar era modificacion dera actuau ordenança municipau, era quau regule era ocupacion der espaci public, sustot per çò que se referís as terrasses de bars e restaurants.
Actuament ei en vigor era ordenança aprovada en 2012, e posteriorament modificada en 2014 que non s’adapte ara realitat existenta en municipi ne as besonhs deth sector ne des vesins, pr’amor que, entre d’autes qüestions, d’aplicar-se ena sua totalitat, obligarie a ua grana part des establiments actuaument dubèrti a barrar es sues terrasses.
Segontes a declarat Juan Antonio Serrano “resulte de besonh poder adaptar aguesta normativa ara realitat deth municipi entà, per un costat, dar un tracte equitatiu e just a toti es establiments e, per aute, entà que reaument aguesta sigue ua ordenança que se complisque e ajude a que Vielha e Mijaran potencie era sua imatge ath viatge que se respècten es drets des sòns vesins”.