Notícies Veir istoric
Er ajuntament de Vielha e Mijaran aurà un nau parc infantil.
Era òbra s’enmèrque enes actuacions qu’er equip de govèrn a coma prioritaries.
Eth parc, plaçat ath costat dera pista de padel de Vielha, ei un nau espaci pensat non sonque entà mainatges de cuerta edat se non tanben entà joeni. Aguesta ei ua òbra totaument naua e que, entar actuau equip de govèrn, resulte de besonh tà qu’un municipi coma Vielha e Mijaran pogue compdar damb espacis ludics coma aguest. Aguest espaci ei entornejat d’un barrat de husta de pin, entà qu’es mès petiti siguen segurs, e contierà ua tirolina de 25m dera qué poderàn gaudir es mès grani. Eth còst totau deth bastiment d’aguest nau espaci a estat de 24.998.82€. Segontes manifestaue Maria Vergés, còsso de cultura, educacion e accion sociau: “aguesta accion ei ua des qu’auíem mercades en nòste programa electorau e arrespon ara volontat de mantier uns servicis publics de qualitat entàs nòsti vesins”Se prevé qu’eth nau parc sigue acabat eth 28 de deseme
18/12/2015