Notícies Veir istoric
Er Ajuntament de Vielha e Mijaran melhore es condicions de parcatge de Vielha
Aguesta accion permet qu’era localitat sigue preparada entà acuélher as sòns visitants pendent aguest pròplèu pònt dera Constitucion.
Era melhora des parcatges dera zòna des antigues casèrnes militars e dera plaça Generalitat ère ua des matèries pendentes deth municipi.
Pendent dus dies s’a amiat a tèrme eth condicionament deth parcatge, des militars, concrètaments s’an engodronat 3.700m2. En aguesta linha s’a profitat tanben entà realizar er engodronat des carrèrs Pradets que se n’an melhorat 655m2 e Meddia damb ua accion de255m2, que se trobauen en ua deficienta estada de conservacion. Damb un impòrt totau de 97.208,58€.
D’autra banda ena plaça Generalitat s’an realizat melhores tan de besonh coma pintar eth paviment e melhorar era senhalizacion, atau coma era melhora dera rampa dera gessuda deth parcatge. Damb un impòrt de 21.5552,52€.
Coma afirme Jacinto Cuny, prumèr tinent de baile: “aguestes èren òbres de besonh, que s’an realizat en mendre temps possible, entà que es infrastructures deth nòste municipi siguessen a punt laguens era sason iuernau”. En aguesta linha, Cuny manifestaue que: “s’an hèt pendent aguesti dus dies a causa des condicions favorables climatológicas, encara que posterioraments se realizaràn desparières melhores”.
Atau donques, entad aguest pònt dera Constitucion e en tà deuant es vesins e visitants de Vielha e Mijaran poderàn disposar deth parcatge sense cap tipe d’inconvenient.
09/12/2015