Notícies Veir istoric
Vielha Mijaran se hig ath projècte de cooperacion transfronterèra POCTEFA damb Luchon e Benasque
Er Ajuntament de Vielha Mijaran a entrat a formar part d’aguest projècte qu’a coma objectiu potenciar es accions de besonh tà fomentar eth desvolopament sostenible des territòris participants
Ager auie lòc en Ajuntament de Vielha Mijaran era prumèra jornada de trabalh entre aguest consistòri e es municipis de Benasque e Luchon damb er objectiu de presentar un projècte conjunt en marc deth Programa Operatiu de Cooperacion Territoriau Espanha França Andorra.
Eth POCTEFA 2014-2020 constituís era cincau generacion de supòrt financèr comunitari destinat a reforçar era integracion economica e sociau d’aguesti territòris. POCTEFA cofinance projèctes de cooperacion transfronterèra dessenhadi e gestionadi per actors d’andús costats des Pirenèus
En aguest sens, Vielha Mijaran se higerà a diuèrses des prepauses qu’es auti dus sòcis an presentat e ath viatge ne presentarà de pròpries entà acabar de dessenhar eth projècte complèt, qu’aurà d’èster aprovat pera Comunautat de Trabalh des Pirenèus (CTP)
Segontes manifestaue er alcalde de Vielha Mijaran Juan Antonio Serrano, “aguesta ei una bona oportunitat tà poder méter en valor es nòsti recorsi e dinamizar era nòsta economia en tot potenciar eth desvolopament territoriau”.
En aguest sentit Serrnano afirmaue que “es tres municipis compartim problematiques fòrça similares e trabalhar amassa mos ajudarà entà establir estratègies e dinamiques de cooperacion que siguen concrètes e que afavorisquen as nòsti territòris”
04/09/2015