Notícies Veir istoric
S’amie a tèrme era acta de replanteg des òbres de melhora deth pati infantila dera Escòla Garona
Deluns 3 d’agost s’amièc a tèrme era acta de replanteg que darà inici as òbres de melhora deth pati d’educacion infantila dera Escòla Garona. En aguesta amassada i preneren part er alcalde de Vielha Mijaran, Juan Antonio Serrano e es còssos d’òbres e servicis, Jacinto Cuny, e d’ensenhament Maria Vergés, atau coma es servicis tecnics der ajuntament, deth departament d’ensenhament dera Generalitat e des empreses constructores adjudicatàries e representants dera madeisha Escòla.
Aguesta òbra preten solucionar es problèmes de drenatge qu’aguesta infraestructura patís de hè temps, sustot enes mesi de mau temps, atau coma dotar-la de naui punts d’activitat entàs escolans mès petiti. Es trabalhs començaràn enes pròplèu dies e an un còst totau de 59.205’94 €, des que 26.489’97 € son aportadi per Ajuntament de Vielha Mijaran. En aguest sens, er alcalde Serrano a insistit en besonh qu’es òbres siguen acabades abantes der inici deth cors escolar entà non interferir en desvolopament normau dera escòla ath temps qu’a mostrat era sua satisfaccion pr’amor que, segontes es sues paraules "damb aguesti trabalhs se da respòsta ara demana de pairs e mèstres entà qu’es escolans mès petiti poguen hèr emplec d’aguesta infraestructura enes melhors condicions"
04/08/2015