Notícies Veir istoric
Pagès Editors celèbre 25 ans
Era editoriau presente era exposicion “25 ans liegent amassa” ena Bibliotèca de Vielha damb ua taula redona d’escrivans e traductors en aranés
Deman dimars 21 de junhsèga, tàs 19,30, s’inaugure era exposicion que celèbre es 25 ans dera editoriau Pagès Editors damb ua taula redona d’escrivans en aranés. Aguest acte, que s’amiarà a tèrme ena Bibliotèca Generau de Vielha e qu’organizen era pròpria editoriau e er Ajuntament de Vielha Mijaran a trauès dera Bibliotèca, serà amiat peth pròpri editor Lluís Pagès. Pagès Editors a esdevengut ua editoriau de referéncia entara lengua pròpria d’Aran, en tot auer apostat de forma decidida pendent toti aguesti ans pera publicacion de libres en aranés, ath marge des mercats e tendéncies.