Notícies Veir istoric
Dubèrta era convocatòria de contractacion d’ua plaça d’auxiliar d’administratiu/a d’atencion ciutadana, C-2, en Ajuntament de Vielha e Mijaran
Era plaça serà de personau fixe en airau d’atencion ath public, damb ua jornada parciau deth 40% e eth tèrme de presentacion de sollicituds ei dubèrt enquiath 7 d’octobre
Er Ajuntament de Vielha e Mijaran trè mejançant concors/oposicion ua plaça d’auxiliar d’administratiu/a d’atencion ciutadana, C-2, com a personau laborau fixe, damb ua jornada parciau deth 40%.
Es interessadi/es en obtier aguesta plaça an de tèrme enquiath pròplèu 7 d’octobre entà presentar es sues sollicituds ena sedença electronica der Ajuntament de Vielha e Mijaran.
Es bases sus aguesta convocatòria se trapen en enlaç següent: http://vielha-mijaran.org/public/vielha/ftp/ocuSub/archivo1_202409090958353.pdf
Era sollicitud aurà d’anar acompanhada de:
- Modèl normalizat de sollicitud, acompanhat dera declaracion responsabla
- Fotocòpia deth NIF o Passapòrt
- Justificant deth pagament de dret d’examen
- Curriculum Vitae
- Documentacion acreditativa de possession dera titolacion e requisits exigidi ena convocatòria
- Documentacion acreditativa des merits
Un viatge finalizat eth tèrme de presentacion d’instàncies, era bailia dictarà resolucion entà declarar aprovat eth listat provisionau d’admetudi e excludidi. I aurà un periòde de dètz dies entà presentar esmenes.
Un viatge acabat eth tèrme d’esmenes se publicarà eth listat definitiu d’admetudi e excludidi, e tanben es membres deth tribunau, atau coma eth dia e era ora en què se realizarà eth prumèr exercici de seleccion.
En tot auer finalizat es pròves, se liurarà ar organ competent era prepausa de candidat entara formalizacion deth contracte.
13/09/2024