Notícies Veir istoric
Er Ajuntament de Vielha e Mijaran trabalhe ena adjudicacion dera redaccion deth projècte Next Generation damb eth que se cambiarà er enlumenat de toti es pòbles deth municipi
Era Union Europèa autregèc en hereuèr ua subvencion d’1.016.519,76€ damb eth que se garantirà un estauvi en consum annau d’electricitat deth 52% en municipi, en tot substituïr 2.494 punts de lum existents per uns de tecnologia LED
Er Ajuntament de Vielha e Mijaran trabalhe ena adjudicacion dera redaccion deth projècte Next Generation damb eth que se cambiarà er enlumenat de toti es pòbles deth municipi.
Dempús d’auer-se barrat eth periòde de presentacion d’aufèrtes, era taula de contractacion aurà d’adjudicar era redaccion d’aguest projècte, qu’aurà d’ester prèst enes pròplèu 2 ans.
Gràcies a d’aguesta subvencion dera Union Europèa, eth consistòri realizarà era substitucion de 2.494 punts de lum existenti enes diuèrsi pòbles de Vielha e Mijaran, en tot installar-ne de naui damb tecnologia LED, basadi en un nau enlumenat eficient e intelligent damb tecnologia Smart Rural e TIC. Ua mesura contra era contaminacion luminica e que garantirà un estauvi en consum annau ath torn deth 50% dera energia primària.
“Trabalham fermament entà poder adjudicar en brèu era redaccion deth projècte Next Generation que mos a de perméter cambiar er enlumenat de tot eth municipi, en tot generar un estauvi energetic fòrça important”, comente eth baile de vielha e Mijaran, Juan Antonio Serrano.
29/09/2023