Notícies Veir istoric
Ja ei dubèrt eth tèrme entà sollicitar es forfaits de Baqueira (BaqueiraPass) entara sason 2023-24
Enquiath pròplèu 29 d’octobre se tramitaràn on-line es diuèrsi forfaits entà poder esquiar
A compdar d’aguest deluns 18 de seteme, enquiath pròplèu 29 d’octobre, ja se pòt demanar era sollicitud entà aquerir quinsevolh des forfaits dera tempsada d’esquí 2023-24 en Baqueira-Beret. Toti es vesins de Vielha e Mijaran qu’agen era sua residéncia en municipi damb ua antiguitat minima de 5 ans, pòden solicita’c de manèra on-line.
Es prètzi des forfaits entad aguesta tempsada 2023-24 son es següenti: Adults residents majors de 25 ans (800€), Adults entre setmana (550€), Universitaris/Joeni entre 18 e 25 ans includidi (550€), Infantil Residents entre 6 e 11 ans includidi (150€), Juvenil Residents de 12 a 17 ans includidi (150€), Joeni aranesi entre setmana de 18 a 22 ans includidi (150€), Majors de 70 ans (66€) e menors de 6 ans (44€).
Era documentacion qu’ei de besonh: Impresi degudaments ramplidi e signadi penjadi ena web der Ajuntament de Vielha e Mijaran, 1 fotografia actuau, 1 fotocòpia deth DNI, Certificat emetut pera Agéncia Tributària deth Domicili Fiscau o fotocòpia dera plana 1, plana 2 o plana 3 dera declaracion dera Renta e eth justificant de pagament der impòrt deth forfait. Vida laborau a on an de figurar es 5 darrèri ans e certificat d’empadronament istoric. Ath delà, entath forfait universitari, ei de besonh era Matricula Universitària deth cors 2023-24.
18/09/2023