Notícies Veir istoric
Eth Plen der Ajuntament de Vielha e Mijaran apròve eth nomentament des representants deth consistòri enes organs collegiadi e enes comissions entara naua legislatura
Atau madeish, s’an creat es grops municipaus damb es sòns portavotzes e s’an escuelhut es membres dera naua Junta de Govèrn e es tinents d’alcaldia
Eth plen der Ajuntament de Vielha e Mijaran, amassat aguest maitin en session ordinària, a aprovat eth nomentament des desparièrs representants deth consistòri que haràn part des multiples organs collegiadi, atau coma dera Comission Informatiua e era Comission Especiau de Compdes.
D’aute biais, tanben s’an creat es grops municipaus entà d’aguesta naua legislatura (Unitat d’Aran, Convergéncia Aranesa e Aran-Amassa), damb es sòns portavotzes, s’an escuelhut es membres dera naua Junta de Govèrn e es tinents d’alcaldia, e s’a aprovat era delegacion de diuèrses competéncies deth plen der Ajuntament de Vielha e Mijaran ara Junta de Govèrn.
Fin finau, tanben s’an aprovat es retribucions exclusiues e parciaus de diuèrsi des còssos deth consistòri.