Notícies Veir istoric
Sant Pònç, hèsta de pastissi, licors e confetures
Agèr peth vespe se realizèc era 24 au edicion de Sant Pònç ena sala Era Audiovisuau plaçada en pòble de Vielha on lèu ua cinquantia de persones assistiren ath eveniment.
Agèr peth vespe se realizèc era 24 au edicion de Sant Pònç ena sala Era Audiovisuau plaçada en pòble de Vielha on lèu ua cinquantia de persones assistiren ath eveniment.
En çò que tanh ara participacion, mès de 20 persones aufriren bèth pastís, licor o confetura en tot èster valorada per un jurat especific qu’avalorauen era diferenta qualitat des productes presentats.
I auen categories com era de melhor pastís, pastís mès original, melhor licor, melhor confetura e tanben ua categoria infantila e ua naua implementada enguan com siguec era deth melhor cupcake.
Era avaloracion per part dera organizacion enguan ei fòrça positiua animant a que en proplèus edicions eth nombre de participaires puge.
Pendent eth jurat deliveraue entara eleccion des prèmis, ena sala d’actes se procedic a hèr un talhèr de com hèr un ram de flors que toti es assistent pogueren gaudir e aprèner.
Lèu toti es participaires conseguiren un prèmi qu’èren 75 € a consumir en quinselvolh comerç de Vielha e Mijaran, mès lo mès important siguec poguer comprovar era originalitat des recèptes araneses ena hèsta de Sant Pònç
00/00/0000