Notícies Veir istoric
Aguest dissabte, 23 de mai, se daurís era convocatòria de subvencions de Vielha e Mijaran de 2026
Enquiath pròplèu 21 de junh se poderàn demanar ajudes enes airaus der espòrt, era musica, cultura, joenessa, servicis sociaus, torisme, hèstes, ensenhament e cooperacion entre d’auti
Er Ajuntament de Vielha e Mijaran daurís aguest dissabte era convocatòria de subvencions d’enguan. Enquiath pròplèu 21 de junh, totes aqueres persones o entitats que volguen, poderàn demanar ajudes entàs activitats restacades damb es airaus der espòrt, era musica, cultura, joenessa, servicis sociaus, torisme, hèstes, ensenhament e cooperacion entre d’auti.
S’enten que totes es activitats que pòden èster subjèctes d’èster subvencionades, se desvolòpen en tèrme que compren der 1 de deseme de 2025 enquiath 30 de noveme de 2026 a excepcion des activitats que se realizen en relacion ath cors escolar.
Es subvencions se pòden demanar a trauès dera sedença electronica der Ajuntament de Vielha e Mijaran o directament ena sedença fisica deth consistòri en orari des 09:00 as 14:00. Es bases e tota era documentacion qu’ei de besonh entà poder sollicitar es subvencions, ac podetz trapar en aguest enlaç:
http://vielha-mijaran.org/ar/menu/er-ajuntament-/14/gestion-municipau-/23/ajudes-e-subvencions/31/
Un viatge finalizada era convocatòria, er Ajuntament notificarà as interessadi era resolucion de concesion o denegacion des subvencions en un periòde de tres mesi. Ath delà, se procedirà a publicar en BOP de Lhèida era lista de subvencions autrejades e tanben en tablèu d’anoncis der Ajuntament.
Lieger mès
22/05/2026
Deth 24 ath 31 de mai, Vielha e Mijaran acuelherà es actes dera Setmana dera Natura de Vielha e Mijaran
Lieger mès
18/05/2026
Er Ajuntament de Vielha e Mijaran amie a tèrme era milhora integrau dera cubèrta e des espacis interiors deth Tanatòri Municipau de Vielha e Mijaran
Lieger mès
14/05/2026
Vielha e Mijaran auance en renauiment deth mobiliari urban damb materiaus recicladi e de baish manteniment
Lieger mès
