Notícies Veir istoric
Eth plen der Ajuntament de Vielha e Mijaran apròve era creacion dera Comission d’Estudi qu’a de perméter milhorar era regulacion des usatges deth sòl e subsòl municipau
Aguest organ facilitarà era redaccion d’un auantprojècte dera Ordenança reguladora des procediments d’intervencion municipau en aguest ahèr
Aguest dimèrcles, eth plen der Ajuntament de Vielha e Mijaran, amassat en session ordinària, ven d’aprovar per unanimitat des grops representadi en consistòri, er Informe-Prepausa relatiu ara creacion dera Comission d’Estudi entara redaccion der auantprojècte dera Ordenança reguladora des procediments d’intervencion municipau en edificacion e usatge de sòl e deth subsòl der Ajuntament de Vielha e Mijaran.
En aguesta Comission i aurà representacion d’un membre de cada grop politics: 1 d’Unitat d’Aran, 1 de Convergéncia Aranesa e 1 d’Aran-Amassa.
Er objectiu ei poder regular era situacion des edificacions e usatges deth sòl e subsòl municipau, en tot hèr ua actualizacion entà poder decidir en futur desparières actuacions que s’i pogue hèr en airau urbanistic, de manèra que pogue facilitar eth trabalh des servicis tecnics ara ora de solventar quinsevolh tipe de qüestion tecnica.
Atau madeish, eth plen tanben a aprovat era mocion d’Aran-Amassa, entà que i pogue auer er enregistrament des plens deth consistòri.
“Credem qu’era aprobacion dera creacion d’aguesta Comission d’Estudi facilitarà e agilizarà eth trabalh que se pogue hèr des des servicis tecnics der Ajuntament en airau urbanistic, pr’amor qu’auram ua actualizacion dera situacion des edificions e usatges deth sòl e subsòl municipau”, comente eth baile de Vielha e Mijaran, Juan Antonio Serrano.
Lieger mès
05/02/2025
Vielha acuelherà aguest pròplèu 1 de hereuèr era presentacion dera 45au Marxa Beret d’esquí de hons
Lieger mès
30/01/2025
Er Ajuntament de Vielha e Mijaran encargue era redaccion de diuèrsi projèctes entà milhorar es installacions deth Palai de Gèu
Lieger mès
29/01/2025
Er Ajuntament de Vielha e Mijaran refortilhe era comunicacion de notícies damb era ciutadania a trauès deth nau canau de Whatsapp deth consistòri
Lieger mès
